DƏYİŞƏN ŞƏHƏRİM

206 gündür ki, hərbi xidmətdə idim və bloq yazısı yazmırdım. Məzuniyyət üçün Mingeçevirə  gəldiyimdə çox təəccübləndim... 

Şəhər çox dəyişib, təbii ki, yaxşı mənada. Həmişə problem yazırsan deyənlərə: “Gördüyünüz kimi mən yalnız gördüyümü yazıb paylaşıram.”

Bəlkə də şəhərdə yaşıyanlar bu dəyişikliyi bir qədər hiss etmirlər, amma mən 7 ay burada olmadığım üçün hər şeyi gözəl görürəm. Kimdir günahkar?!, Fantanlarin acı taleyi kimi yazılarımda bəzi problemləri qeyd etmişdim. Bəziləriniz də : “Guya bu problemlər sən deməklə və yazmaqla düzələcək?” demişdiniz. Baxın və görün ki, susmaqla heç nə olmur. Mən cəmiyyətimi, millətimi, şəhərimi və ən əsası Vətənimi sevirəm, bəziləri kimi dildə deyil əməlimlə sevirəm.

Hər zaman qeyd edirdim ki, problemi görüb, qeyd etmək nəyəsə mız qoymaq deyil, sadəcə həmin şeyin düzəlməsini, daha yaxşı olmasını istəməkdir.

Kimdir günahkar adlı ilk yazımın sonluğu bələ idi:

Tənqid olmasa, inkişaf da olmaz! Mən Mingəçeviri problemləri ilə sevirəm və bir gənc kimi bu problemləri həll etmək istəyirəm. Əlimdən gələn isə belə yazılar yazıb bu problemlərin həllinə çalışmaqdır. Hər şeyin zaman keçdikcə yaxşı olmasına ümid edirəm...

Göründüyü kimi 18 ay bundan öncə, məqsədimi yuxarıda qeyd etmişdim və yenə də yeganə məqsədim var. Gördüyünü paylaş və nəticə əldə edənədək sonuna qədər get! Demək olar ki, gec də olsa artıq bu nəticəni görürəm. Bunun üçün həqiqətən çox sevinirəm.

Hər bloq yazımin sonunda qeyd etdiyim kimi yox bu dəfə tamamilə fərqli bir :”Zaman keçdi və hər şey yaxşı oldu” yanaşmam ilə sizlərlə növbəti bloqda oxunanadək deyib sağollaşıram.