BƏLƏDİYYƏLƏR YOXSA MƏNZİL İSTİSMAR SAHƏLƏRİ?!

Son vaxtlar yerli özünüidarə qurumlarının göstərdiyi “xidmət”ləri və etdikləri müşahidə obyektimin predmetinə çevrilib və bu müşahidələr əsnasında bir gün...

27 avqust səhər qapını açanda "Mingəçevir bələdiyyəsi hesablanmış əmlak vergisinə dair bildiriş" adlı bir kağız gördüm, üzərində də ödəniləcək məbləğ kimi 10.50 AZN göstərilmişdir.

Bildirişi görəndə ilk olaraq “Səhv ünvana qoyulub, yəqin?!” dedim. Daha sonra isə ünvana baxanda gördüm ki, elə bizim bildirişdir və...

Təəccüblənməyimin başlıca səbəbi isə ilk dəfə idi ki, bina evlərinə bələdiyyədən hər hansı bildirişin gəldiyinin şahidi olurdum. Bildiyim qədərilə bələdiyyələr vergiləri həyət evlərindən alırlar. Nəysə...

Düzdür illik 10.50 AZN kiçik məbləğ kimi görünür. Ancaq burada bir məsələ var. Bələdiyyələr bina evləri üçün konkret olaraq heç bir xidmət göstərmir.

ARDINI OXU...

İNTELLEKTUAL İDARƏ OLUNAN BAKI NƏQLİYYATI

Əziz və dəyərli oxuyucular, nəqliyyat sektoru ilə bağlı son günlər qarşıma çıxan problemləri və onları necə dəf etmək barədə fikirlərimi paylaşıram...

Son illərdə Nəqliyyat Nazirliyinin İntellektual İdarəetmə Sistemi ilə tanış olduq. Bu addımı olduqca xoş qarşıladım və Azərbaycanın ən böyük şəhəri olan Bakının nəqliyyat sisteminin intellektual idarə olunması xəbəri ən çox məni sevindirdi. Bu sistem tətbiq olunandan bir müddət sonra sürücülər, sərnişinlər bundan narazılıq edirdi. Sözün düzü başa düşə bilmirdim bu narazı olan insanları ki, görəsən insanlar bu cür intelektual idarə olunan nəqliyyat sektorumuzu niyə bəyənmirlər?

Əslində isə “intellektual” idarəetmədə kifayət qədər çətinliklər var. Əvvəla, ictimai nəqliyyatda vahid ödəniş kart sisteminə 2012-ci ilin aprelində keçmək nəzərdə tutulmuşdu. Həmin tarixdən nə az, nə çox 3 ildən artıq zaman keçir, görəsən 3 ildə “intellektual” idarə olunan nəqliyyatımız bu sistemə niyə keçə bilmir?!

ARDINI OXU...

OLİMPİYADALARIN BOL OLSUN, AZƏRBAYCAN!

Bildiyiniz kimi bugün Bakı Birinci Avropa Oyunlarına ev sahibliyi etdi. Uzun bir hazırlıq mərhələsindən sonra bugün möhtəşəm hazırlığın şahidi olduq. Baku2015-i ev sahibliyi etdiyimiz ən böyük miqyaslı layihə hesab etmək olar. Bu baxımdan təbii ki, 2 il öncədən bu layihə üçün hazırlıqlar başlandı. Çox böyük əhəmiyyətli infrastruktur layihələri- stadion, idman komplekslərinin tikintisi, yeni yolların, tunellərin salınması, bərpa olunması və s. kimi məsələlər öz həllini tapdı. Ən əsası isə bu oyunlar ərəfəsində illərdir dəyişə bilmədiyimizi polislərin, metro işçilərinin davranışlarından, səliqəli kastyumlarından, yollarda tıxacların aradan qaldırılması məqsədilə cani-könüldən işləyən yol polislərindən tutmuş ictimai nəqliyyat sürücülərinin qalstukuna kimi hər şey dəyişdi.

Uğurlu və müsbət dəyişikliklərin hər zaman tərəfdarıyam. Bu dəyişikliklər də olduqca sevindirdi məni. Amma bir məsələ var ki, bu dəyişiklərin Baku2015-dən sonra davam edib-etməyəcəyi məni düşündür. Digər tərəfdən isə düşünürəm ki, olduqca qüdrətli Azərbaycan bu layihələri, dəyişiklikləri görəsən, 5-7 il bundan öncə edə bilməzdimi? Niyə məhz 2015-də etdik bunları? Əgər indiki reallaşdırılan layihələri və görülən işləri etmək iqtidarında idiksə, hər gün niyə 20 Yanvar dairəsində pik vaxtlarda nəqliyyat iflic olurdu, yollar niyə düzəlmirdi, infrastruktur layihələri niyə az idi?

10 iyunda Hollandiya tərəfi 2019-cu ildə keçirilməsi planlaşdırılan ikinci Avropa oyunlarını keçirməkdən imtina etdi. Təklif edirəm ki, sayca ikinci olan bu yarış da Azərbaycanda keçirilsin. Buna əsas da var, çünki biz artıq Baku 2015-də təcrübə qazanmışıq, stadion, idman kompleksləri tikilib, infrastruktur layihələri reallaşıb, professional işçi komandası, könüllülər dəstəsi formalaşıb. Baku2015 mütəmadi olaraq mətbuatda 7-9 milyarda manata yaxın dəyəri olan bir layihə kimi təqdim olundu. Ancaq Baku2019 üçün bizə 70-80 milyon manat kifayət edəcək, nəzərə alsaq ki, Baku2019-da gələn turist, idmançı, nümayəndə heyəti, akreditasiya olunmuş jurnalistlərin xərclərini də biz qarşılamayacayıq, o zaman gəlirlərimiz daha çox olacaq, bu isə bizə Baku2019 keçirilməsi üçün yaxşı bir stimul verməlidir.

Olimpiyadaların bol olsun, Azərbaycan!” deyirəm. Uğurlu dəyişikliklər davam etsin, çünki dəyişiklik inkişafa aparan yoldur. Ancaq bu dəyişikliklər layihələrdən sonra da qalması ümidilə...

Növbəti yazılarda oxunanadək...

Vahid Məsimov

  

ABŞ-DA TƏHSİL ALMIŞ GÜLŞƏN HÜSEYNLİ İLƏ MÜSAHİBƏ

Salam aleykum dəyərli oxucular. 5 aylıq fasilədən sonra söz verdiyim kimi maraqlı bir yazı ilə qarşınıza çıxıram. Bu dəfə əvvəlki yazılardan fərqli olaraq həmsöhbətim var və buyurun həmin müsahibəni sizlərə təqdim edirəm:

Salam Gülşən xoş gördük, necəsiniz? İlk əvvəl zəhmət olmasa özünüz haqqında qısacıq məlumat verin.

Çox sağulun, siz necəsiniz? 1984-cü ildə Mingəçevir şəhərində doğulmuşam, Mingəçevir şəhərində məktəbi bitirmişəm. İlk il universitetə qəbul ola bilmədim və ikinci il yenidən cəhd etdim və ailəmin təkidi ilə Mingəçevir Müəllimlər İnstituna qəbul oldum.