SEÇKİLƏR YAXINLAŞIR- “SİRLİ” ABŞ

Salam, dəyərli oxucular. Bu dəfəki yazı bütün dünyada diqqət mərkəzində olan, ABŞ-da keçiriləcək prezident seçkiləri barədəsində olacaq.

8 noyabr, 2016-cı il tarixində ABŞ-da növbəti, 58-ci prezident seçkiləri keçiriləcəyi planlaşdırılır. İllərdir davam edən ənənə bu dəfə də olduğu kimi qalır, belə ki, Respublikaçı və Demokratlardan olan  2 namizəd- Donald Tramp və Hilari Klinton prezident seçilmək üçün yarışırlar. Gələk əsas məsələyə...

Donald Tramp prezident seçiləcəyi təqdirdə ABŞ sərhədləri boyunca qalalar tikdirəcəyini, imiqrantların, müsəlmanların ölkəyə girişinin qarşısını alacağını dayanmadan vurğulayır. Adı isə qanunsuz vergi qalmaqallarında, qadınlara qarşı təhqirlərdə və s. hallanır.

Hilari Klinton isə hazırki hakimiyyətin tibbi siğorta siyasətinin yalnış olmasında iştirakından tutmuş, müəmmalı elektron adressi məktublarına (e-mail) qədər qalmaqallı müzakirələrdə yad edilir.

ŞƏRƏFLİ MÜƏLLİMLƏRƏ...

Salam, dəyərli oxucular. Bildiyimiz kimi, 5 oktyabr Azərbaycanımızda Müəllimlər günü kimi qeyd edilir. Bu dəfəki yazımı məhz müəllimlərə həsr edirəm.

Müəllimlik olduqca şərəfli peşədir. Bəzən bu sözlər şablon kimi səslənə bilər, ancaq bu heç də belə deyil. Danılmaz faktdır  ki, müəllimlər düzgün insanların, savadlı və ixtisaslı kadrların yetişdirilməsində əvəzsiz rol oynayır. Hər birimiz həyatımız boyunca bir neçə müəllimlərdən təhsil almışıq və ya alırıq.

Təhsil aldığım 19 il müddətində olduqca səmimi, xeyirxah, şərəfli, vicdanlı və ədalətli müəllimlərlə rastlaşmaq qismətim olub. Məktəb illərindən tutmuş universitet illərinə qədər. Bəzi təhsil ocaqlarının adını açıqlamağı özümə borc bilirəm:

Mingəçevir şəhər Mehdi Hüseynzadə adına 3 saylı orta məktəb, Mingəçevir təbiət-riyaziyyat və humanitar təmayüllü lisey, Mingəçevir Politexnik İnstitutu (hazırki Mingəçevir Dövlət Universiteti), Qafqaz Universiteti və Leiria Politexnik İnstitutu (Portuqaliya).

Ardını oxu...

AVROPA TƏHSİL SİSTEMİNİN AZƏRBAYCANDA TƏTBİQİ

Salam, dəyərli oxucular. Avropa Təhsil Sistemi (ATS) və ATS-2 adlı yazılarımda Avropa təhsilinin bəzi keyfiyyətli və çox önəmli detallarını sizlərin diqqətinə çatdırmağa çalışmışdım. Mətbuatdan izlədiyim qədərilə artıq bəzi universitetlər bu modeli tətbiq etmək üçün bəzi layihələrin tətbiqinə başlayıblar.

ATS-2 adlı yazımda sizlərə tələbələrin müəllimləri qiymətləndirmə mexanizmləri barədə bəzi məlumatları və təklifləri çatdırmış, Azərbaycan universitetlərində də bunun tətbiq etməyin mümkünlüyündən bəhs etmişdim. ATS-2 adlı yazını oxuya bilməyənlər aşağıdakı link vasitəsilə buyurub oxuya bilərlər:

https://vahidmasimov.blogspot.pt/2016/06/avropa-thsil-sistemi-2.html

Ardına baxmağı unutmayın...