BƏLƏDİYYƏLƏR YOXSA MƏNZİL İSTİSMAR SAHƏLƏRİ?!

Son vaxtlar yerli özünüidarə qurumlarının göstərdiyi “xidmət”ləri və etdikləri müşahidə obyektimin predmetinə çevrilib və bu müşahidələr əsnasında bir gün...

27 avqust səhər qapını açanda "Mingəçevir bələdiyyəsi hesablanmış əmlak vergisinə dair bildiriş" adlı bir kağız gördüm, üzərində də ödəniləcək məbləğ kimi 10.50 AZN göstərilmişdir.

Bildirişi görəndə ilk olaraq “Səhv ünvana qoyulub, yəqin?!” dedim. Daha sonra isə ünvana baxanda gördüm ki, elə bizim bildirişdir və...

Təəccüblənməyimin başlıca səbəbi isə ilk dəfə idi ki, bina evlərinə bələdiyyədən hər hansı bildirişin gəldiyinin şahidi olurdum. Bildiyim qədərilə bələdiyyələr vergiləri həyət evlərindən alırlar. Nəysə...

Düzdür illik 10.50 AZN kiçik məbləğ kimi görünür. Ancaq burada bir məsələ var. Bələdiyyələr bina evləri üçün konkret olaraq heç bir xidmət göstərmir.

ARDINI OXU...

Yerli özünüidarəetmə qurumları kimi Mənzil İstismar Sahələri (MİS) və ya xalq dilində “JEK”lər fəaliyyət göstərir. Onlar da illik evin sahəsində asılı olaraq vergi alırlar. Bu ödəniş isə hardasa illik 11 AZN edir. “JEK”lərin göstərdiyi “xidmət”ə gəldikdə isə yaşayış yerindən, ailə tərkibi haqqında arayış kimi “çox vacib xidmət”  göstərirlər.

Demək olar ki, fəaliyyət və göstərdikləri “xidmət” baxımından da oxşar olar bu iki qurum bələdiyyə və MİS-lər hər ikisində də illik xidmət haqqı 10.50 AZN və 11 AZN təşkil edir.

Mənə maraqlıdır, bu bələdiyyə bina evləri üçün hansı xidməti göstərir ki, hələ bir pul da tələb edir?! Üstəlik "JEK-Mənzil İstismar Sahəsi"nə ödənilən pul da var. Bir yerli özünüidarəetmə kimi "JEK"lərə ya bələdiyyələrə pul ödəyək?!

Təklifim bundan ibarətdir ki, bu ödənişlər bir quruma verilsin və xidməti həmin yerli özünüidarə orqanı göstərsin, bütün məsuliyyət də ona aid edilsin.

Tezliklə, yerli özünüidarəetmə səviyyəsində olan bu problemlərin aradan qaldırılması ümidilə, özünüzdən muğayət olun.

Növbəti yazılarda oxunanadək...

Vahid Məsimov