Salam, dəyərli
oxucular. Avropa Təhsil Sistemi (ATS) və ATS-2 adlı yazılarımda Avropa təhsilinin
bəzi keyfiyyətli və çox önəmli detallarını sizlərin diqqətinə çatdırmağa
çalışmışdım. Mətbuatdan izlədiyim qədərilə artıq bəzi universitetlər bu modeli
tətbiq etmək üçün bəzi layihələrin tətbiqinə başlayıblar.
ATS-2 adlı yazımda sizlərə tələbələrin müəllimləri
qiymətləndirmə mexanizmləri barədə bəzi məlumatları və təklifləri çatdırmış,
Azərbaycan universitetlərində də bunun tətbiq etməyin mümkünlüyündən bəhs
etmişdim. ATS-2 adlı yazını oxuya bilməyənlər
aşağıdakı link vasitəsilə buyurub oxuya bilərlər:
Ardına baxmağı unutmayın...
Bu təkliflərdən sonra bəzi
universitetlər artıq bu işdə olduqca uğurlu layihələrə start veriblər.
Dəyişikliyi istəmək, daha mütərəqqi və keyfiyyətli Avropa təhsil
standartlarının universitetlərimizdə tətbiqini görmək olduqca sevindiricidir.
Xüsusilə, son illərdə rebranding etmiş Azərbaycan Dövət
İqtisad Universitetini (UNEC)
misal gətirmək olar. Belə ki, “Tədrisin
keyfiyyəti tələbələrin gözü ilə” adlı maraqlı bir layihə etmək qərarını
veriblər. Qeyd edilib ki, layihə hazırlanarkən Avropa Keyfiyyət Təminatı
Assosasiyasının “Keyfiyyət təminatı üzrə standart və qaydalar” adlı sənəd əsas
tutulub.
Bu eynilə ATS-2 adlı yazımda təklif etdiyim layihənin
sorğular vasitəsilə tətbiqidir. Avropadan fərqli olaraq burada tələbələr internet
vasitəsilə deyil, sorğu blankları vasitəsilə tədrisin keyfiyyətini
qiymətləndirəcəklər.
Uğurlu bir addımdır. Bütün UNEC ailəsini təbrik edirəm .
Ümid edirəm ki, layihəni uğurla başa vuracaqlar. Azərbaycan təhsilin inkişafı
naminə digər universitətlərdən də keyfiyyətli təhsilə inteqrasiya etmək
baxımından yeni-yeni layihələr görməyi istərdim.
Uğurlu və keyfiyyətli gələcəyə doğru addımlamaq ümidilə...
Vahdi Məsimov
No comments:
Post a Comment