İLİN SON YAZISI...

Salam dəyərli, oxucular. Bu, ilin son yazısı olacaq. Yadıma 5 il 4 ay bundan öncə düşdü. Bloq yazılar yazmağa başladığım ilk il. Mənimlə bərabər bu işə bir çox gənclərdə başlamışdı. Hər kəs elə həvsəli idi ki. Hər zaman fikir mübadiləsi edir, yazılarımızı ilk bir-birimizə oxudurduq.

Əvvəllər bir az ötəri həvəs, hobbi, qeyri-profesionallıq kimi görünürdü. Əksər dostlar bu işi bir neçə müddət sonra iş və ailə vəziyyətinə görə buraxmalı oldular.

Yazmaq, hər hansı bir sahədə araşdırma aparmaq istedad tələb edir. Bunu oxucuya maraqlı şəkildə təqdim etmək isə daha da çətin məsələdir, bacarıq işidir.

Tam 5 il 4 ay ərzində yazmağa çalışdım və bugün də davam edirəm. Demək olar ki, hər mövzuya toxundum- iqtisadiyyatdan, dindən, təhsildən, nəqliyyatdan, siyasətdən, sosial həyatdan tutmuş mədəniyyətə qədər 50-dən çox mövzuda yazdım, tam dəqiq desəm 55-ci yazını oxuyursunuz.

Heç vaxt yazıları məhz daha böyük auditoriyalar oxusun deyə yazmadım. Əsas olan kəmiyyət deyil, əsas olan keyfiyyətli yazı yaza bilməkdir, hər yazının təbii ki, öz oxucusu var. Kimisi araşdırma tipli yazıları oxuyub daha çox məlumatlanmaq istəyir, kimisi isə “şou” xarakterli yazılara üstünlük verir. Hər iki halda seçim oxucunundur.

Ən əsası odur ki, bu illər ərzində hər zaman yazıları oxunduz, rəylər bildirdiniz, bu olduqca sevindirici bir haldır. Təsadüfi deyil ki, yazılar Azərbaycanla bərabər, dünyanın müxtəlif ölkələrində-ABŞ, Almaniya, Böyük Britaniya, Fransa, Gürcüstan, Niderland, Türkiyə, Ukrayna, Əlcəzair, Portuqaliya, Rusiyada və s. yaşayan həmyerlilərimiz tərəfindən mütəmadi olaraq oxunur.

Bu arada bu ilin ən çox oxunan 3 yazısı aşağıdaklardır:

1)     “Kənd məktəbindən xaricdə təhsilə- Emil Göyüşzadə ilə MÜSAHİBƏ” (http://vahidmasimov.blogspot.pt/2016/05/knd-mktbindn-xaricd-thsil-emil-goyuszad.html)

2)     “Avropa Təhsil Sistemi” (http://vahidmasimov.blogspot.pt/2016/03/avropa-thsil-sistemi.html)

3)     “İş axataranlara” (http://vahidmasimov.blogspot.pt/2016/11/is-axtaranlara.html)

Dəyərli oxucular, hər zaman keyfiyyətli yazılara üstünlük verdiyiniz üçün təşəkkür edirəm.

Hər birinizə gözəl və mənalı keçəcək bir 2017 arzu edirəm. Canı sağ, vicdanı və əlləri təmiz, sevdiklərinizin ətrafınızda, çətinliklərinizin arxanızda qaldığı bir il. Unutmayaq ki, problemlər maneə deyil, yeni bir inkişafa təkandır.

Növbəti yazılarda oxunmaq ümidilə...

Vahid Məsimov